BASES DOS PREMIOS BACELO DE OURO E PRATA

     Un grupo de colleiteiros do Ribeiro, presidido por D. Álvaro de las Casas, fundou, en 1936, a U.C.R.A. (Unión de Colleiteiros do Ribeiro do Avia). Esta Asociación deuse a coñecer a través dun manifesto no que exponían a súa filosofía gremial: acadar unha boa calidade na elaboración dos viños e unha mellor distribución no mercado.

     A Asociación Álvaro das Casas, recoñecendo o esforzo que moitos adegueiros e colleiteiros de Galicia están a facer por melloraren a elaboración do viño e gañar credibilidades nun mercado cada vez máis competitivo acorda:

     1º.- Crear uns premios que non terán dotación económica.

     2º.- Consistirán nunha medalla de prata deseñada polo artista Antón Pulido.

     3º.- Excepcionalmente a Asociación concederá un terceiro premio, o bacelo de ouro, ó labor continuado daquela persoa ou institución que se teña distinguido por acrecenta-la calidade e boa sona dos viños galegos.

     4º.- O Xurado será nomeado pola Asociación Álvaro das Casas e estará formado por persoas de recoñecida solvencia no eido da elaboración, do deseño, da promoción dos viños ou calquera outra actividade relativa ó mundo vitivinícola ou similar. Formarán parte, tamén, o Presidente e a Secretaria da Asociación, con voz pero sen voto.

     5º.- As candidaturas a ditos premios poderán ser presentadas tanto polos membros do xurado como pola Asociación e decidiranse os mesmos nunha sesión deliberante que terá como sede o Pazo dos Ulloa en Esposende-Ribadavia, no mes de abril de cada ano.

     6º.- Os premios entregaranse nun acto público que se celebrará na Adega do Pazo dos Ulloa no mes de maio.

     7º.- O Xurado terá en conta, para a eleción dos premiados, en primeiro lugar a lingua utilizada para a etiquetaxe así como os elementos que conforman a imaxe corporativa, a creatividade das mensaxes publicitarias da marca así como a identificación cos valores culturais e lingüísticos de Galicia e en segundo lugar a calidade dos viños que se presentan a concurso.

Hola Amig@s...

"O que converte a vida nunha bendición non é facer o que nos gusta, senón que nos guste o que facemos" (GOETHE)

Benvid@, estás na túa casa

a@galicias.com

Contador