| ASOCIACION ALVARO DAS CASAS |
|||||||
OS DA CRUS DE PAU
(Val do Avia)
Levántate maio
que tanto dormiches,
pasou o inverno
e non o sentiches.
O maio maiado,
o maio do sol,
o maio das flores,
o maio do amor.
E veñen os maios
un ano tras outro
e as árbores todas
cheíñas de froito.
E as mellores flores
que son as mulleres
nin che teñen froitos
nin os queren tere.
¿Será que hoxe os
homes están a libar
a flor das mulleres
en vez de casar?
¿Ou serán os cartos
e os coches e os pisos
e os mobles e a roupa
antes que os meniños?
Aquí no Ribeiro
ven pouco a cigoña
e as poucas que veñen
deben vir de coña.
E a nosa Galicia
e o noso lugare
vai morrendo axiña
en vez de medrare.
Xa non se ven nenos
nas rúas de Leiro,
só se ven velliños
indo de paseo.
¿Qué será de Leiro
de aquí a cen anos?
Non temos futuro,
tan só o pasado.
(Leiro, maios 2004, estas son as coplas que levaron o 1º premio)
"O que converte a vida nunha bendición non é facer o que nos gusta, senón que nos guste o que facemos" (GOETHE)
Benvid@, estás na túa casa
Contador
© Asociación Alvaro das Casas