¿Quén
era Don Alvaro de las Casas? Moi poucas persoas saben quén era Don Alvaro.
Dorme esquecido na fosa común do cuasianonimato. Xa quedan con vida poucos
dos que o coñeceron e trataron. Os que andamos na teima de recuperar
a súa memoria e as súas ideas tampouco sabemos moito el. Pero
Don Alvaro merece que demos a coñecer a súa vida e as súas
obras.
A súa vida:
Álvaro das Casas Blanco naceu en
Ourense no ano 1901, o día 2 de xullo.
Cursou o Bacharelato na cidade das Burgas,
e logo dirixiuse a Valladolid para formarse en Filosofía e Letras.
Obtivo a licenciatura no ano 1920 e pouco despois comezou a exercer como
profesor auxiliar na universidade vallisoletana.
Dous anos máis tarde, en 1922,
rematou os seus estudos de Doutoramento e pasóu a desempeñar,
na Escola Superior de Policía da capital española, a cátedra
de Lingua e Literatura Portuguesas.
Traballóu durante un pequeno tempo
como secretario político do alcalde de Madrid.
Logo trasladouse en 1928 ao Instituto
de Fregenal de la Sierra.
En 1930 voltou a Galicia para ocupar unha
cátedra no Instituto de Noia, centro que dirixiu ata o ano 1936.
Aquí deixou importantes recordos.
No ano 1.936 vaise para Bos Aires.
Regresa a España no ano 1.950,
e ós poucos días morre en Barcelona. Era o día 8 de
marzo de 1.950. (Cincuenta e tres anos máis tarde, o 8 de marzo
de 2003, celebramos en Esposende, no pazo onde él morou, a posta
de largo da Asociación que leva o séu nome).
Foi enterrado en Sabucedo de Montes (Concello
de Cartelle, Ourense).
A súa obra:
En 1.933 publicóu "Verbas aos mozos galegos".
No ano 1.934 fundóu en Compostela a revista Alento,
de carácter mensual.
Durante os anos da República
tuvo unha intensa activiade pública: fundou os grupos Ultreya, deu
conferencias e colaborou na prensa. Moitas das súas intervencións
crearon polémica.
A súa obra literaria é moi abundante. Parte
dela está escrita en galego e outra parte en castelán. Nela
atopamos teatro, poesía, novela curta e ensaio biográfico.
Da súa obra en galego podemos destacar o seguinte:
En teatro escribiu pezas breves, tales como "A morte de Lord Staüler",
"O outro Pancho de Rabade", e "Matria". En poesía
podemos destacar "Sulco e vento". En novela podemos citar "O
xardín do castelo de Vidre" e "Ladaíña".
Outro libro seu que non debemos deixar de citar é "Xornadas
de Bastián Albor".
A súa obra en castelán é moi abundante.
Ademáis de desenrolar unha importante labor xornalística,
escribiu más de 50 libros.
A súa vinculación
con Esposende:
A Asociación ALVARO DAS CASAS
ten a súa sede en Esposende (Concello de Ribadavia, Ourense). ¿Por
qué?. Porque alí, en Esposende, hai, entre outras moitas cousas
fermosas, un Pazo, que foi dos Ulloa, e que hoxe é dun mozo encantador
que se chama Cándido. E nese pazo viviu Don Alvaro de las Casas. ¿Canto
tempo viviu alí? ¿Pasaba alí o verán ou pasaba
anos enteiros...? ¿Por qué foi soterrado en Sabucedo de Montes?
... Estas e outras moitas preguntas se nos prantexan ... e pouco a pouco irémos
estudando a súa vida e iremos contando aquí as conclusións
e certezas ás que vaiamos chegando. ...
Vexamos:
En Sabucedo de Montes tiña Don Alvaro os seus ascendentes.
¿Entón qué tiña en Esposende? ..... No ano
1928 Don Alvaro gaña a Cátedra de Xeografía e Historia
do instituto de Fregenal de la Sierra e contrae matrimonio con María
Natividad Ulloa Sotelo. O casamento
con unha "Ulloa" é o que nos explica as súas longas
estadías no pazo dos Ulloa de Esposende.
pie index fotos
"O que converte a vida
nunha bendición non é facer o que nos gusta, senón que
nos guste o que facemos" (GOETHE)
